Llapi ka njoftuar se po e vazhdon bashkëpunimin me një prej lojtarëve kryesor të ekipit, Besar Musollit.

Lajmin e ka bërë të ditur skuadra llapjane përmes një postimi në rrjetin social Facebook, shkruan Arbresh.info.

Musolli, një prej shtyllave të mesfushës sonë, ka qenë pjesë kyçe e ekipit në dy edicionet e fundit, duke regjistruar 68 paraqitje dhe duke dhënë kontribut të madh në fazën defanzive.

Ai është pjesë e Llapit që nga viti 2023.

“Vazhdimi i tij vjen si rezultat i përkushtimit të dyanshëm – si nga futbollisti, ashtu edhe nga klubi – për të ndërtuar suksese të reja së bashku”.

“Me përvojën dhe profesionalizmin e tij, Musolli është shembull i vërtetë për futbollistët e rinj se si ndërtohet karriera profesionale me përkushtim dhe profesionalizëm”, shkruhet ndër të tjera në njoftimin e Llapit.